Danh Tác Việt Nam - Người Ngựa Ngựa Người tải về miễn phí cuốn sách

Clossom Art clossomartstudio — فكرة إن الكتاب يكون عبارة عن تأمّلات شئ جميل وكل حاجه لكن في نفس الوقت ما تبقاش مجرد أفكار متبعترة وخلاص! يعني ممكن حاجه تلفت إنتباهي فأناقش فيها كذا حد وأسمع فيها لكذا حد وأقرأ حاجه عنها مثلاً فأروح كاتب عنها مقال أو كتاب لكن الي ملاحظه في الكتاب إن الفكرة الي بتيجي للعسيلي بيكتبها علي طول مفيش فيها تفاصيل بس بيفضل يحوم حوالين النقطة نفسها ويعيدها ويجيلها من اليمين والشمال بس من غير ما يبيّن أبعادها إلا لو جت في نص الموضوع بالصدفة كده ومثال علي موضوع "الي بييجي علي باله بيكتبه" موضوعات السياسة والحكم الديني الي في قرب أواخر الكتاب، متهيألي لو كان طرحها علي أي طالب سياسة واقتصاد/أزهري (بالنسبة للدين) كان حيكتب بشكل أحسن من كده بكتير تاني حاجه الجمل الاعتراضية أو الي مالهاش لازمه في الكتاب كتير جداً، وده من الحاجات الي ممكن تخلي حد يقول إنه مجرد حشو للكتاب مالوش داعي تالت حاجه الكتاب بسيط وتمام، لكن من كتر بساطته حسيت إن أي واحد ممكن يكتب كتاب زي دي، ومش السهل الممتنع زي ما الناس بتفتكر، لأ إنتا ممكن تكتب زيه خلال أسبوع ولا اتنين مثلا طالما كل الي بييجي علي بالك بتكتبه وخلاص وبتعتبره كتاب رابع حاجه العاميّة في الكتاب أول حاجه رافض فكرة إنه اعتبرها لغته الأم مش لهجته، ومقدّر طبعاً إنه مش بيقول إن دي الطريقة الأفضل للكتابة زي ما فيه بعض الناس بتظن ولكن في نفس الوقت فيه اتجاه لكتابة لغة عربية ومن بينها حروف عامية للتوضيح زي ما بيعمل ساعات د. أحمد خالد توفيق مثلا! وفي رأيي الشخصي ده أفضل بكتير وبيقوّي اللغة العربية عندي في بعض الأوقات بس الكتاب بوجه عام بيدعو للتفكير في حاجات محدش فكر في إنه يكتبها قبل كده، وبرغم إنه أقل من كتابه "كتاب مالوش اسم" إلا إنه كويس إلي حدٍ ما لذلك يستحق نجمتين عندي :)